Hello OuR soulmates!

Бидний уулзах газар - Хаанаас ч, хэзээ ч ангийнхныхаа тухай мэдээллийг эндээс л авчихаж болдог, нэг тийм сайхан уулзсан мэт сэтгэгдэл төрүүлдэг, орох болгондоо бяцхан догдолдог тийм л газар.
Гэвч сүүлийн үед уулзах газар маань нэг л эзгүйрээд, янз янзын шүүмжлэлд их өртөөд байх болжээ. Тиймээс ангийнхныхаа тухай, тэд хаана, юу хийж явааг бичдэг болцгооё. Уулзалгүй удсан ч блогоос мэдээлэлийг цаг алдалгүй авж байя.
Бядний хэсэг нөхөд хэлэлцэн тохиролцоод нэг ийм юм эхлүүлэхээр шийдлээ. Нэгэнт бүгд биеэр уулзан тойрч суугаад ярилцах боломжгүй учраас бидний уулзах газар болсон ангийн блогтоо ярилцлагыг өрнүүлье.
Нэрсийн дарааллаар ярих нь шудрага санагдлаа. Гэхдээ бас дандаа А-с эхлэвэл уйтгартай. За тэгээд Энхчимэгээс эхлэнэ гэсэн үг шүү дээ.
За миний бие энэ охины 10 жилдээ ямар хүүхэд байсан гэдгийг хальт мөлт үзэглэе. Миний санаж байгаагаар тэр үеийн Чимгээ маань охидууд дундаасаа хамгийн биеэ даасан тэрүүхэн тэндээ муусайн хөвгүүдийнхээ учрыг нь олчихоод барагтай бол шоглуулна гэж байдаггүй шийртэй бацаан байсан гэхэд хилсдэхгүй тээ. За тэгээд сагсны тэмцээн мэмцээн дээр бол мань хэд нь доод ангийн зэвүүн зэвүүн хэрцгий охидуудаас халгаад Чимгээгийхээ л сүүдэрт хоргодож гүйнэ шүү дээ. Шугам зураг эдрийг бол гашраадаг л байсан шиг санагджийн. Ямар нэг нэмэр хачиргүй ялимгүй эршүүд бусдад ховор заяасан араншинг өөртөө агуулаад яагаад ч юм бусдаас илүү нөмөртэй санагддаг тэр охинтой үргэлж таараад байдаггүй ч одоо ч харах бүртээ сайн сайхныг олж хардаг хэвээрээ...
Одоо ШУТИС-н Барилгын Инженер Архитектурын Сургуульд Иргэний Ба Үйлдвэрлэлийн Барилгын Инженер мэргэжлээр суралцаж байна. Хэдийгээр энэ анги 120 хол давсан хүүхэдтэй ч тэдний дундаас бусаддаа танигдсан, ангийнхаа төдийгүй сургуулийн шилдэг оюутнуудын нэг нь билээ. Хичээлдээ сайн гэдгийг нь оюутнууд андахгүй, номын санд тааралдахад үргэлж л завгүй, хэн нэгэнд мэдлэгээсээ хуваалцан сууж байгаа харагддаг. Анги нь багахан ахлах сургуулиас олон хүүхэдтэй хойно ангийнхныхаа дунд тэмцээн уралдааныг харамгүй зохиодог бөгөөд ангийнхаа ширээний теннисний аварга болсон. ШУТИС-н физикийн олимпиадын II даваанд амжилттай оролцож 4т орон дараагийн шатанд шалгарч чамлахааргүй амжилт үзүүлсэн дээ. Энэ олимпиадад ШУТИС-н Физик1, Физик2 хичээлийг судалсан оюутнууд орох боломжтой бөгөөд Чимгээ маань 2-г нь арай судлаагүй байгаа. Энэ мэт олон амжилттайгаар I курсээ төгслөө.
Зиа одоо хамгийн гол хэсэг нь та бүхнээс ирэх сэтгэгдэлүүд байх болноо. Сэдвээсээ хазайлгүй, Чимгээгийнхээ тухай ярилцаж байгааг марталгүй, энэ хүнийг юу гэж боддог, юу гэж хэлмээр байгаагаа хүн бүр бичиж үлдээгээрэй. [бободоцгооё ^.~]